हामी सबैकाे संसारन्यूज

२ माघ काठमाडौ । मेलम्ची खानेपानी आयोजनाअन्तर्गतको योजना कार्यान्वयन निर्देशनालयका कारण काठमाडौको धुलो नहटेको काठमाडौ महानगरपालिकाले आरोप लगाएको छ । महानगरका अनुसार निर्देशनालयले काठमाडौका धेरै स्थानमा एकैपटक सडक खनेका कारण धुलो नघटेको हो ।

महानगरपालिकाअन्तर्गतको वातावरण विभागका अनुसार निर्देशनालयले मेलम्चीको पानी वितरणका लागि एकैपटक ५–७ ठाउँमा सडक खनिरहेको छ । हामी ट्याङकरको पानीले सडक पखाल्छौँ तर मेलम्चीले खनेको सडक समयमै नपुर्दा धुलो जस्ताको त्यस्तै हुन्छ , महानगरपालीकाको वातावरण विभाग प्रमुख हरिकुमार श्रेष्ठले भने । आजको नयाँ पत्रिका दैनिक समाचारमा छ ।