हामी सबैकाे संसारन्यूज

३ माघ काठमाडौ । बीपी कोइराला स्वास्थ्य विज्ञान प्रतिष्ठानको चिकित्सा टोलीले अनशनरत डा. गोविन्द केसीलाई यथाशीघ्र सुविधासम्पन्न् आइसीयू सीसीयूमा सानुपर्ने औँल्याउदै बुधबार स्वास्थ्य मन्त्रालयलाई प्रतिवेदन पठाएको छ ।

डा. विकास साहको नेतृत्वमा डा. प्रशान्त शाह, डा. अजय यादव, डा.सविन भण्डारीसहितको टोली बुधबारै धरानबाट इलाम पुगी केसीको स्वास्थ्य परीक्षण गरेको हो । इलामको स्वास्थ्य संरचनामा केसीको स्याहार हुन नसक्ने भएकाले तुरुन्त सुविधासम्पन्न अस्पताल लैजानुपर्ने देखिएको साहले बताए । अनशनकै कारण केसीले मुटुको औषधी खान छुटाएकाले थप समस्या निम्तिएको उनले जानकारी दिए ।
साहका अनुसार प्रतिवेदनमा केसीलाई ९ प्रकारका स्वास्थ्य समस्या रहेको उल्लेख छ । आजको कान्तिपुर दैनिक समाचारमा छ ।