हामी सबैकाे संसारन्यूज

३ माघ, काठमाडौं । अन्तरािष्ट्रय हरियाली मञ्च (जिआइसी) को पहिलो अधिबेशन सम्पन्न भएको छ ।
पुस २८ का दिन काठमाडौंको रक हाउसमा सम्पन्न अधिबेशनले सुलोचना मगरको नेतृत्वमा नयाँ कार्यसमितिको चयन समेत गरेको छ ।

जसको उपाध्यक्षहरुमा धनबीर राई, हेन्खामा साङ्मेन राई, जन्मजय साङपाङ, कोषाध्यक्षमा जयन्ती लावती, सहकोषाध्यक्षमा सरिता लावती, सचिवमा सम्पदा योङ्या र सहसचिवमा सुनिता राई, तथा सदस्यहरुमा उमेश राई, र रश्मी राई चयन भएको क्लवका संस्थापक अध्यक्ष रमेशचन्द्र राईले बताएका छन् ।

समाजसेवी दिलशोभा श्रेष्ठको प्रमुख आतिथ्यमा सम्पन्न भएको उक्त अधिवेशनमा संगीतकार तथा गायक शम्भु राईको विशेष आतिथ्यता, कफि क्लव नेपाल ललितपुरका अध्यक्ष सीता रानाको आतिथ्यता रहेको थियो ।

त्स्तस्तै ताप्लेजुङ जिल्ला कार्यसमितिको प्रतिनिधित्व गर्दै कमल खड्का र संगीता मादेन, झापा जिल्ला कार्यसमितिको प्रतिनिधित्व गर्दै हिलिहाङ लिम्बू र सन्तोष लिम्बू, सुनसरीको प्रतिनिधित्व गर्दै, मनि काङमाङ र रेश्मी मोक्तान र पाँचथरको प्रतिनिधित्व विवेक लिम्बू र विष्णु चाम्लिङ आएका थिए ।

अभिनेता तथा फिल्म प्रोड्युसर राईको अगुवाईमा २०७३ मा स्थापना भएको मन्चले सन् २०१५ मा सयौं भूकम्प पीडितलाई आर्थिक तथा भौतिक सहयोग पुर्याएको थियो ।

त्यस्तै सुनसरी, झापा, इलाम, ताप्लेजुङ र पाँचथर गरी पाँच जिल्लामा साखा विस्तार गर्नुका साथै सामाजिक रुपमा सक्रिय भूमिका निभाउँदै आएको मन्चले सामाजिक काममा पनि सक्रिय भूमिका खेल्दै आएको छ । क्लवका संस्थापक संरक्षक केशवराम राई हुन् ।