हामी सबैकाे संसारन्यूज

५ माघ, काठमाडौं । काठमाडौं उपत्यकामा गत वर्ष ०७४ मा २२ करोड ५१ ला ३८ हजार ८ सय ७० किलो तरकारी खपत भएको कालिमाटी फलफूल तथा तरकारी बजार विकास समितिको तथ्याक छ । काठमाडौं भित्रने ९० प्रतिशत तरकारी कालिमाटी हुँदै साना बजारमा भित्रिन्छन् । गत वर्षको तथ्यांकलाई हेर्दा काठमाडौंका बासिन्दा भारतीय तरकारीमा निर्भर रहेको देखिन्छ । उपत्यकामा खपत भएको ४५.५३ प्रतिशत तरकारी भारतबाट आयात भएको छ । चीनबाट भने नयन्य मात्रामा ०.४९ प्रतिशत तरकारी आयात भएको कालिमाटी फलफूत तथा तरकारी बजार विकास समितिका उपनिर्देशक विनय श्रेष्ठले जानकारी दिए । तथ्यांक अनुसार भारत र चीनबाहेक झापा, काभ्रे, मकवानपुर, नुवाकोट, पर्सा, सर्लाही, सिन्धुपाल्चोक र तनहुँबाट मुख्य रुपमा तरकारी काठमाडौं भित्रन्छन् । आजको नयाँपत्रिका दैनिकबाट