हामी सबैकाे संसारन्यूज

७ माघ, बेइजिङ, चीन । प्रतिस्पर्धात्मक विश्व बजारका कारण चीनको टेलिभिजन उद्योगका लागि सन् २०१८ प्रतिकूल देखिएको गैरसरकारी अध्ययनले जनाएको छ ।

तथ्याङ्क सेवा प्रदायक संस्था (एभीसी) का अनुसार चीनमा टेलिभिजन सेटको विक्रीमा सन् २०१७ को तुलनामा सन् २०१८ मा ८.६ प्रतिशतले गिरावट आएको छ । उक्त संस्थाले टेलिभिजन विक्रीबाट भएको औसत आम्दानीमा पनि नौ प्रतिशतको गिरावट आएको जनाएको छ ।

सन् २०१८ मा चीनले जम्मा १६ करोड टेलिभिजन उत्पादन गरेको थियो भने उत्पादित टेलिभिजनमध्ये ७० प्रतिशत टेलिभिजन विदेश निर्यात भएको तथ्याङ्कमा उल्लेख छ ।

चिनियाँ भिडियो उद्योग सङ्गठनका उप–महासचिव पेङ जियानफेङले भन्नुभयो, “घरेलु प्रयोजनका लागि गत वर्ष चिनियाँहरूले ४७ करोड ७४ लाख टेलिभिजन खुद्रारूपमा किनेका थिए । यो अघिल्लो वर्षको तुलनामा शून्य दशमलव पाँच प्रतिशतले वृद्धि हो ।”

यसैबीच सन् २०१८ मा निर्यात भएका टेलिभिजनको सङ्ख्या ९७ करोड ३२ लाख रहेको र यो अघिल्लो वर्षको तुलनामा २१ प्रतिशतको वृद्धि हो ।

चीनले अर्थतन्त्रमा योगदान गर्नका लागि चीनले कार तथा घरायसी सामानहरूको विक्रीलाई प्रोत्साहन गरेको र यि सामानको उपयोगमा वृद्धि गरेको थियो ।