हामी सबैकाे संसारन्यूज

८ माघ, काठमाडौं । राजधानीमा दुई महिनामा डेढसय बढी व्यक्तिमा प्रयोगशालामा प्रमाणित स्वाइन फ्लु देखिएको छ । चिकित्शा भाषामा यसलाई ‘मौसमी इन्फ्लुएन्जा ए–एच१एन१’ भनिन्छ । चिकित्सकहरुले सरकारी तथ्यांक भन्दा बास्तविक स्थिति झन् जटिल रहेको दावी गरेका छन् ।
ओम अस्पतालको आइसीयूमा रहेकी एक ४७ वर्षीय महिलाको सोमबार स्वाइन फ्लुले मृत्यु भएको छ । तीनदिन अघिससमेत ओमकै आइसीयूमा रहेका एक संक्रमितलाई एयरलिफ्ट गरेर भारत लगिएको थियो ।
राजधानीमा अहिले स्वाइन फ्लु प्रकोपकै रुपमा देखिएकाले यसबाट प्रभावित भएर जटिल स्वास्थ्य अवस्थामा पुग्ने र मृत्यु हुने घटनामा वृद्धि भएको छ ।
‘हामीकहाँ आइपुग्ने मध्ये करिब २५ प्रशित विरामी रुघाखोकी तथा छातिको संक्रमणका हुन्,’ ओम अस्पतालका निर्देशक डा. केपी देवकोटाले भने, ‘आज (सोमबार) स्वाइन फ्लुले मृत्यु भएकी महिलामा यसअघि कुनै जटिल स्वास्थ्य समस्या थिएन ।’ आजको कान्तिपुर दैनिकबाट ।