११ माघ महेन्द्रनगर । भारतीय वन विभागले दसगजा नजिकै जंगल क्षेत्रमा ट्रेन्ज (नाली) खनेर तारबार लगाउन थालेको छ । पूनर्वास नगरपालिका ११ का वडाअध्यक्ष तुलसी अर्यालले भारतीय पक्षले नेपाली बस्तीलाई असर पर्ने गरी ट्रेन्ज खन्न लागेको बताए ।
केही वर्षअघि पनि भारतले यहाँ ट्रन्ज खन्न थालेको थियो, उनले भने नेपाली पक्षको विरोधपछि काम रोकेको हो तर फेरी सुरु गरेको छ । भारतीय वन विभागले गर्न थालेको कामले नेपाली भुमी वर्षतमा डुबानमा पर्ने खतरा रहेको उनले बताए । वर्षतमा पानीको बहाव बढेर आउने भएकाले बस्ती डुबानमा पर्छ उनले भने । भारतीय पक्षले गर्न थालेको कामबारे प्रदेशसभा सदस्यदेखि सीडीओ र मेयरसम्मलाई जानकारी गराइएको उनले बताए । आजको अन्नपुर्ण पोस्ट दैनिक समाचारमा छ ।
