हामी सबैकाे संसारन्यूज

१३ माघ, काठमाडौं । म्यानपावर कम्पनीको धरौटी बढाउन नदिन बैदेशिक रोजगार व्यवसायीले चलखेल गरेका छन् । सरकारले म्यानपावर कम्पनीको धरौटी बढाउने तयारी गरेपछि शक्तिकेन्द्रहरु धाउँदै रोक्ने कसरतमा लागेका हुन् ।
सरकारले म्यानपावर व्यवसायीहरुको धरौटी बढाउन संसद्मा प्रस्ताव पठाएको छ । व्यवसायीले उधोग तथा, बाणिज्य र श्रम तथा उपभोक्ता हित समिति लगायत शक्तिकेन्द्र धाउदै धरौटी बढाउने सरकारको प्रस्ताव रोक्न जोड गरिरहेका छन् । व्यवसायीले केही दिन अघिमात्र कार्यबाहक प्रधानमन्त्री तथा रक्षामन्त्री ईश्वर पोखरेललाई समेत धरौटी नबढाउन आग्रह गरेका थिए ।
त्यस्तै नेकपाका अध्यक्ष पुष्पकमल दाहाल, नेपाली कांग्रेसका सभापति शेर बहादुर देउवा, शेखर कोइराला र राप्रपाका अध्यक्ष कमल थापालाई पनि धरौटी रकम बृद्धि रोक्न हार गुहार गरेका छन् । आजको अन्नपूर्णपोस्ट दैनिकबाट