हामी सबैकाे संसारन्यूज

१५ माघ, कन्चनपुर । निर्मला पन्त र उनकी आमा दुर्गादेवीको डिएनए मिलेको प्रहरीले जनाएको छ । निर्मलाको ‘भजाइनल स्वाब’ र दुर्गादेवीको रगत परीक्षण गर्दा डिएनए मिलेको कञ्चनपुर प्रहरी प्रमुख एसपी कुँवेर सिंह कडायतले बताएका छन् ।
आमा दुर्गादेवीबाट संकलन गरिएको नमुना राष्ट्रिय विधि विज्ञान प्रयोगशाला काठमाडौंमा परीक्षण गरिएको थियो । सोमबार प्रयोगशालाबाट आएको डिएनए रिर्पोट खोलिएको कडायतले बताए ।
बलात्कारपछि हत्या भएको ६ महिनामा कैयौं शंकास्पद व्यक्तिको डिएनए टेस्ट गर्दा मेल नखाएपछि परिवारका सदस्य तथा अधिकारकर्मीले निर्मलाको डिएनए नमुनामै शंका गरेका थिए । शंका पुष्टि गर्न ३५ पुसमा दुर्गाले रगतको नमुना दिएकी थिइन् । निर्मलाको स्वाब हो–होइन यकिन गर्न उनका बाबुआमा दुवैको रगतको नमुना संकलन गर्नुपर्न माग अधिकारकर्मीले पनि गरेका थिए । आजको नयाँपत्रिका दैनिकबाट