हामी सबैकाे संसारन्यूज

१६ माघ, काठमाडौं । नेपाल वायु सेवा निगमका १४ विमानमध्ये मंगलबार एकै दिन १० वटा जहाज ग्राउन्डेड हुन पुगे । निगमसँग आन्तरिक उडानका लागि साना मझौला ९ वटा र अन्तराष्ट्रिय उडानका लागि ५ जेट विमान छन् ।

स्रोतका अनुसार निगमका यत्तिको संख्यामा विमान ‘ग्राउन्डेड’ भएको सम्भवत पहिलो पटक हो । ‘यत्रो संख्यामा विमान ग्राउण्डेड भएको यसअघि कहिल्यै सुनिएको थिएन,’ निगमका एक पुराना प्राविधिकले भने । २२ वटा आन्तरिक उडान गर्ने निगमले मंगलबार एउटा मात्रै गर्यो ।

निगमका प्रवक्ता नवराज कोइरालाका अनुसार सानो चिनिया विमान किलोभिक्टरले काठमाडौं–दाङ काठमाडौं उडान गरेको हो । अर्को चिनियाँ वाई १२ ई विमान क्ययाप्टेन विरामी बिदामा भएकोले उडेन । अन्य ७ वटा मर्मत गर्ने अवस्थामा थिए । आजको कान्तिपुर दैनिकबाट