१६ माघ, काठमाडौं । करिब ३ करोड जनसंख्या भएको देशमा सहिदको संख्या झण्डै १२ हजार पुगेको छ । सरकारले प्रत्येक वर्ष आफूअनुकूल संख्या थप्दै जाँदा सहिदको सूची लम्बिएको हो । यसले गर्दा सहिदकै अवमूल्यन हुन थालेको छ ।
राणा शासनमा प्रजातन्त्रको पक्षमा आवाज उठाएको अभियोगमा मृत्युदण्ड दिइएका धर्मभक्त माथेमा, शुक्रराज शास्त्री, गंगालाल श्रेष्ठ र दशरथ चन्दलाई २००७ सालमा प्रजातन्त्र स्थापना पछि सहिद घोषणा गरी माघ १५ गते सहिद दिवस मनाउन थालिएको इतिहास छ ।
माथेमा, शास्त्री, श्रेष्ठ र चन्दलाई १९९७ साल माघमा फरक फरक मितिमा फाँसी दिएर र गोली हानेर हत्या गरेको थियो । तर २०६२÷२०६३ को राजनीतिक परिवर्तनपछि बनेका हरेक सरकारले विभिन्न आन्दोलनका नाममा ज्यान गुमाएकालाई आफूअनुकूल सहिद घोषण गर्दा संख्या बढेर १२ हजार हाराहारीमा पुगेको छ । आजको नागरिक दैनिकबाट
वि.सं.२०७५ माघ १६ बुधवार ०८:१५ मा प्रकाशित