२१ माघ, काठमाडौं । नेपाल कम्युनिष्ट पार्टी (नेकपा) भित्रका प्रतिपा भनि चर्चामा रहेका नेता भीम बहादुर रावलले भाँड भैलो मच्याएपछि प्रधानमन्त्री केपी शर्मा ओलीको सुदूरपश्चिम भ्रमण बिथोलिएको छ । प्रधानमन्त्रीसँगै नेकपाका अर्का अध्यक्ष पुष्पकमल दाहाल ‘प्रचण्ड’ र महासचिव विष्णु पौडेल पनिसँगै जाने निश्चित भएको थियो । प्रधानमन्त्री ओलीले २०७५ माघ २० गते सुदूर पश्चिम प्रदेश संसद्को र त्यसपछि नेकपाको प्रदेशस्तरीय कार्यकर्ता प्रशिक्षणलाई सम्बोधन गर्ने कार्यक्रम रहेको थियो ।
२०७५ पुस २७ गतेको प्रदेश कमिटीको बैठकले निर्णय गरेको थियो । स्वास्थ्यले साथ दिएमा माघ २१ गते कैलाली उद्योग बाणिज्य संघको अयोजनामा धनगढीमा सुरु हुने महोत्सबको उद्घाटन समारोहमा पनि सरिक हुने प्रधानमन्त्रीको कार्यक्रम थियो ।
तर, नेकपा सुदूरपश्चिम प्रदेशका इन्जार्ज भीम रावलले आफू निकटका प्रदेश सदस्यलाई २०७५ माघ १२ गतेको प्रदेश कमिटीको छलफल बिथोल्न लगाएपछि प्रधानमन्त्री लगायतका नेताहरुको भ्रमण अनिश्चित भएको छलफलमा सहभागी एक नेताले भने । साँघु साप्ताहिकबाट
वि.सं.२०७५ माघ २१ सोमवार ०९:३९ मा प्रकाशित