जापानमा एक नेपाली युवतीको उपचारका क्रममा मृत्यु भएको छ । म्याग्दी घर भइ जापानमा रहदै आएकी प्रमिला दर्जीको विहिबार (फेब्रअरी ७) का दिन उपचारका क्रममा मृत्यु भएको हो ।
१ महिना अगाडि सुत्केरी भएकी उनी ब्रेनट्युमरबाट पीडित भएको बताइएको छ । मोना जापानका अध्यक्ष दीपक केसीका अनुसार उपचारका लागि अस्पतालमा भर्ना गरिएकी उनको विहिबार साँझ निधन भएको हो ।
विद्यार्थी भिसामा ४ वर्ष अगाडि जापान पुगेका श्रीमान दिनेश दर्जीसँग रहेकी प्रमिलाको १ महिने छोरी छन् ।
जनवरी १३ का दिन एक्कासीे बेहोस भएपछि तत्कालै कुवाना स्थित अस्पतालमा लगिएको उनलाई डाक्टरले ब्रेन ट्युमरको समस्या भएको बताएका थिए ।
ब्रेन ट्युमरले पीडित प्रमिलालाको उपचारका लागि लागि मोना जापानले रकम संकलन गरेको र आइतबार हस्तान्तरण कार्यक्रम रहेको पनि मोना अध्यक्ष केसीले बताएका छन् ।
प्रमिलाको मृत शरीरको दाहसंस्कार शनिबार ९ः२० मा मियकेनको निशिवेस्सोको कुवाना भन्ने ठाउँमा गरिने पनि मोना अध्यक्ष केसीले जानकारी दिएका छन् ।
वि.सं.२०७५ माघ २५ शुक्रवार १३:५७ मा प्रकाशित