Logo
११ जेष्ठ २०७९, बुधबार
     Wed May 25 2022
E-paper
  English Edition
   Unicode
Logo

‘प्रश्न यमराजसॅग’



मान्छे बाॅच्न र हाॅस्न नै जगतमा यो जन्म पाएको छ
सार्है सुन्दर सृष्टि शान्त धरती यो हेर्न आएको छ
बाॅचेकै किन हो ? यहाॅ यम तिमी देख्नै नसक्ने भयौ
हाॅस्दै फूल्न र फक्रनै छ उसको घाॅटी निमोठ्दै गयौ ।।१

चाॅडै मार्नु छ भने हजार सपना बुन्नै दिदैछौ किन ?
हाॅस्दै बाॅच्न र फुल्न छैन यसरी प्राणै लिदैछौ किन ?
आफ्नै सृष्टि तिमी अकाल यसरी लुछ्दै हिंडेको किन ?
आहा: जन्म भनी मनुष्य सबमा खूशी भरेको किन ?२

यौटा मापन मृत्युको किन तिमी कोर्नै नसक्ने भयौ ?
सत्ता हात लिदै जता र जहिले बिध्वङ्श गर्दै गयौ
हिॅसा आज बढे, ल विश्व भरमा यो कार्य तिम्रै त हो
मान्छे रून्छ कठै विलाप भमरी सुन्दै नसुन्ने भयौ ।।३

भैगो भो ल भयो त जन्म मनुको त्यो आयु थोरै गरी
छाती भित्र कठै सहन्न म त है आँशू बलीन्द्र झरी
देख्नै पर्छ जसै ल काल पहिले डुल्थ्यौ यहाॅ लौ तिमी
भोग्नै पर्छ असी त प्राण सबले निर्माण ढोका तिमी ।।४

तिम्रो मान गरौं अकाल नमरौं हे ! काल भन्नै सकौं
सारा काम पुरा गरेर सहजै आयौं ल भन्नै सकौं
जन्मेकै शिशुका खिचेर मुटु यो बाॅच्नै सकेका हरे
फक्रेका फलका नयाॅ युवकका घाॅटी थिचेको छ रे ।।५

यस्तो निष्ठुरता छरी मनपरी हे काल हाॅस्छौ तिमी
साॅच्चै कष्ट सॅधै दिएर पनि खै लाग्दैन माया रती
विन्ती गर्छु सॅधै दिलै र मनले यो कार्य धेरै भयो
तिम्रै भित्र तिमी पसेर मनु भै हेर्नै अवेला भयो ।।६

तिम्रो धर्म र काम यही हुन गयो आत्मा छ तिम्रो पनि
भो भो काल अवै नगर्नु यसरी अन्याय औ दुर्गति
मान्छे बाॅच्छ यहाॅ सुकाल कहिले हे काल सुन्छौ तिमी?
तिम्रो शासन यो भयो मनपरी चाॅडै सुधारे तिमी ।।७

( शुक्रबार मृत्युवरण गरेकी प्राशा तुलाधरलाई
(न्युयोर्कवासी) समवेदना छ ।)


यो खबर पढेर तपाईलाई कस्तो महसुस भयो ?

अबुधाबी । संयुक्त अरब इमिरेट्सको राजधानी अबुधाबीमा रहेको एक रेस्टुरेन्टमा ग्यास सिलिन्डर विस्फोट हुँदा

काठमाडौं । ०७४ मा भएको स्थानीय तहको निर्वाचनमा नेकपा (माओवादी केन्द्र)ले कर्णाली प्रदेशमा २५

तनहुँ । स्थानीय तह निर्वाचन अन्तर्गत तनहुँमा नेपाली कांग्रेसले २५० सिटमा विजयी भएको छ

काठमाडौं । अन्तिम नतिजा आएका ७ सय ७ पालिकामध्ये नेकपा (माओवादी केन्द्र)ले १ सय

काठमाडौं । २०७४ मा भएको स्थानीय तहको निर्वाचनमा मधेशमा माओवादी केन्द्र बलियो पार्टीको रुपमा