हामी सबैकाे संसारन्यूज

२९ माघ काठमाडौ । सरकारले कृषियोग्य जमिन बाँझो राख्ने किसानलाई तीन लाख जरिवाना गर्नेतयारी गरेको छ । मुलुकभर खेतीयोग्य जमिनको करिब २५ प्रतिशत जमिन बाँझो रहेको सरकारी तथ्यांक छ । कृषि तथा पशुपक्षि मन्त्रालयका अनुसार ४१ लख २१ हजार हेक्टर खेतीयोग्य जमिनमध्ये १० लाख ३० हेक्टर क्षेत्रफल बाँझो छ ।

कृषि सुचना तथा सन्चार केन्द्रले तयार पारेको कृषि डायरी २०७५ को तथ्यांकअनुसार ३० लाख ९१ हजार हेक्टर जमिनमा खेती गरिएको छ । केन्द्रले अध्ययन गरेर हरेक वर्ष कृषिसम्बन्धी सम्पुर्ण तथ्यांक समेटी डायरी प्रकाशन गर्दै आएको छ ।
मुलुकभर धेरै जमिन बाँझो रहेकाले कृषिजन्य वस्तुको उत्पादन बढाउन जमिन बाँझो राखे जरिबाना गर्न लागिएको भुमी व्यवस्था, सहकारी तथा गरिबी निवारणमन्त्री पद्माकुमारी अर्यालले बताइन् । मंगलबारको नागरिक दैनिक दिलीप पौडेल बाट ।