Logo
४ जेष्ठ २०७९, बुधबार
     Wed May 18 2022
E-paper
  English Edition
   Unicode
Logo

मैले ख्रुश्चेवलाई लेनिन भन्न सकिन !



मैले ,
विश्वासघाती ख्रुश्चेवलाई घृणा गर्दा
तिमीलाई रिस उठ्छ भने
उठ्न देऊ त्यो रिस
यो घृणाको पनि कारण छ
त्यो रिसको पनि कारण छ
विना कारण
न घृणा जन्मेको छ
न रिस जन्मेको छ !

माफ गर सवैको प्यारो मान्छे
मैले लेनिन र ख्रुश्चेव दुवैलाई मायाँ गर्न सकिन
लेनिनलाई मायाँ गर्नु
ख्रुश्चेवलाई घृणा गर्नु हुन्थ्यो
ख्रुश्चेवलाई मायाँ गर्नु
लेनिनलाई घृणा गर्नु हुन्थ्यो
मैले तिमीले जस्तो
मायाँको शास्त्र आविष्कार गर्न सकिन !

जुन दिन ख्रुश्चेवको पूर्ण जीत भएथ्यो
त्यो दिन लेनिनको शालिक ढलेथ्यो
लेनिनको शालिक ढाल्ने ख्रुश्चेवलाई
मैले लाल सलाम गर्न सकिन
मैले वेइमान ख्रुश्चेवबाट
इमानको आशा गर्न सकिन !

तिमीले महानायक भनेको मान्छे
ठ्याक्कै ख्रुश्चेवजस्तै छ
ख्रुश्चेवकै भाषा बोल्छ
ख्रुश्चेवकै बाटो हिड्छ
काटीकुटी ख्रुश्चेवलाई
मैले लेनिन हुन भन्न सकिन !

आफैले रोपेको विरुवा उसले
आफैंले ढालेर आयो
आफैंले जन्माएको सन्तान
वधशालामा फालेर आयो
तिमीले विरुवा रोपेको देख्यौ
विरुवा ढालेको देखेनौ
तिमीले नानी जन्माएको देख्यौ
वधशालामा फालेको देखेनौ
तिमीले नदेख्दैमा मैले देखिन भन्न सकिन
मरेकाट्टे ख्रुश्चेवलाई मैले लेनिन भन्नै सकिन !

२०७५्र/११्र/०१
सुवर्ण चोक, भक्तपुर


यो खबर पढेर तपाईलाई कस्तो महसुस भयो ?

चितवन । भरतपुर महानगरपालिकामा जारी मतगणनामा पाँचदलीय गठबन्धनका उम्मेदवारको मन्तान्तर बढ्दै गएको छ ।

काठमाडौं । नेपाल राष्ट्र बैंकले आजको बजारमा विदेशी मुद्राको विनिमयदर यसप्रकार तोकेको छ ।

काठमाडौं । स्थानीय तहको निर्वाचनअन्तर्गत आइतबार अपरान्हसम्म ३२ पालिकाको मतगणना सकिएको छ । ३२

दमौली । स्थानीय तह निर्वाचनअन्तर्गत तनहुँमा छ वडाको मतपरिणाम सार्वजनिक भएको छ । आइतबार