Logo
८ जेष्ठ २०७९, आईतवार
     Sun May 22 2022
E-paper
  English Edition
   Unicode
Logo

हाम्रो गन्तव्य भनेको समृद्ध नेपाल नै हो – प्रधानमन्त्री




२ फागुन, काठमाडौँ  । प्रधानमन्त्री केपी शर्मा ओलीले सरकार निजी क्षेत्रसँग जीवन्त सहकार्य गरेर अघि बढ्ने बताएका छन् ।

नेपाल उद्योग परिसङ्घ, उद्योग वाणिज्य तथा आपूर्ति मन्त्रालय र अर्थ मन्त्रालयको संयुक्त आयोजनामा आज यहाँ भएको ‘नेपाल उद्यमशीलता सम्मेलन–२०१९’ लाई सम्बोधन गर्दै उनले सरकारले निजी क्षेत्रसँगको सहकार्यमा लगानी मैत्री कानून बनाएको जानकारी गराएका थिए ।

प्रधानमन्त्री ओलीले मुलुकको विकासका लागि सरकार र निजी क्षेत्र सँगसँगै अघि बढ्नुपर्ने धारणा व्यक्त गर्दै उद्यमशीलतालाई प्रोत्साहन गर्न के गर्नुपर्छ त्यसका लागि सरकार तयार रहेको बताए ।

सरकारले मुलुक समृद्धिका लागि मजबुत आधार तयार गरेको उल्लेख गर्दै उनले भने, “आर्थिक विकासका लागि स्पष्ट लक्ष्यका साथ हामी अघि बढेका छौँ, हाम्रो गन्तव्य भनेको समृद्ध नेपाल नै हो, विकास गरिछाड्ने सङ्कल्पमा हामी छौँ ।”

नेपालको संविधानले सबै नागरिकलाई अवसर, सुरक्षा, सम्मान र अधिकार प्रदान गरेको उल्लेख गर्दै उनले एक वर्षमा संविधानअनुसारका धेरै नयाँ कानून निर्माण गरेको बताए ।

“नेपाल अब दुई ढुङ्गाबीचको तरुल होइन, दुई ठुला बजारबीचको अवसर बोकेको सम्पन्न राष्ट्र हो”, प्रधानमन्त्री ओलीले भने, “हामी देश र समाजलाई आधुनिक बनाउन चाहन्छौँ । सरकार सुशासन र आर्थिक विकासको महाअभियानमा जुटेको बताउँदै उनले आधुनिक र विकसित नेपाल बनाउनमा आफ्नो चिन्तन रहेको उल्लेख गरे ।

प्रधानमन्त्रीको सम्बोधनपछि आयोजित समूहगत छलफल कार्यक्रममा पूर्वअर्थमन्त्री सुरेन्द्र पाण्डेले उद्यमशीलताको विकासका लागि केही विषयमा सरकारले विशेष निर्णय गर्नु आवश्यक रहेको बताउँदै नयाँ उद्यमीलाई प्रोत्साहन गर्न सेवा र सहुलियतको व्यवस्था हुनुपर्ने सुझाव दिए ।

राष्ट्रिय योजना आयोगका पूर्वउपाध्यक्ष डा गोविन्द पोखरेलले उद्यमशीलताको विकासका लागि समाजको हेर्ने दृष्टिकोणमा नै परिवर्तन हुनु आवश्यक रहेकामा जोड दिँदै आर्थिक समृद्धिका लागि ठूलो लगानीको आवश्यकता रहेको बताए ।

सङ्घीय सांसद एवं नेपाली काङ्ग्रेसका नेता गगनकुमार थापाले उद्योग व्यवसाय शुरु गर्दा आवश्यकपर्ने सरकारी दर्ता प्रक्रिया प्रोत्साहनभन्दा नियन्त्रणमुखी रहेको उल्लेख गर्दै यसलाई परिवर्तन गर्नुपर्ने खाँचो औँल्याए ।

सङ्घीय सांसद एवं नेपाल कम्युनिष्ट पार्टी (नेकपा) का नेता महेश बस्नेतले उद्यमशीलतालाई उत्प्रेरणा दिने कुरामा सरकारी संरचना परम्परावादी रहेको बताउँदै स्वदेशी वस्तुको उत्पादन र प्रयोग बढाउनुपर्नेमा जोड दिए ।

कार्यक्रममा नेपाल उद्योग परिसङ्घका अध्यक्ष हरिभक्त शर्मा, नेपाल उद्योग वाणिज्य महासङ्घका वरिष्ठ उपाध्यक्ष शेखर गोल्छा, नेपाल मेडिसिटी अस्पतालका प्रबन्ध निर्देशक डा उपेन्द्र महतो, परिसङ्घका उपाध्यक्ष अनुज अग्रवाल, विशाल समूह प्रालिका अध्यक्ष डा राजेन्द्र केसीले आर्थिक समृद्घिका लागि निजी क्षेत्र सरकारसँग हातेमालो गरेर अघि बढ्न तयार रहेको बताउँदै उद्यमीलाई अवसर प्रदान गर्न सरकारले सहयोग गर्नुपर्ने धारणा व्यक्त गरेका थिए । सम्मेलनमा मुलुकभरका उद्योगी व्यवसायीलगायतको सहभागिता रहेको थियो ।


यो खबर पढेर तपाईलाई कस्तो महसुस भयो ?

काठमाडौं । अन्तिम नतिजा आएका ७ सय ७ पालिकामध्ये नेकपा (माओवादी केन्द्र)ले १ सय

काठमाडौं । काठमाडौंको मेयरका लागि भएको निर्वाचनको मतगणना जारी छ । आइतबारसम्म एक लाख

काठमाडौं । २०७४ मा भएको स्थानीय तहको निर्वाचनमा मधेशमा माओवादी केन्द्र बलियो पार्टीको रुपमा

गण्डकी । स्थानीय तह निर्वाचन–२०७९ अन्तर्गत जारी मतगणनामा पोखरा महानगरपालिकाको प्रमुखमा सत्ता गठबन्धन र