हामी सबैकाे संसारन्यूज

३ फागुन, काठमाडौं । गैरआवासीय नेपाली संघ (एनआरएनए)ले त्रिभुवन विमानस्थलमा गरिएको झिटी गुण्डामाथिको कडाइप्रति गम्भीर ध्यानाकर्षण भएको जनाएको छ ।
संघले विहिबार एक विज्ञप्ति जारी गर्दै विदेशबाट आउँदा नेपालीले ल्याएको झिटि गुण्टा त्रिभुवन विमानस्थलमा जफत गर्दा आर्थिक क्षतिमात्र नभएर भावनामा पनि ठेस पुगेको जनाएको छ ।

‘लार्खौ नेपालीले रगत र पसिना बगाई कमाएर खरिद गरिएको समाज तथा उपहार जफत गर्दा सम्बन्धित व्यक्तिको आर्थिक क्षतिमात्र नभइ भावनामा पनि ठेस पुगेको छ,’ संघका प्रवक्ता भुषण घिमीरेद्धारा जारी विज्ञप्तिमा भनिएको छ, ‘रेमिट्यान्स मार्फत मुलुककै अर्थतन्त्रमा योगदान दिइरहेका श्रमजीवी नेपालीहरुले घरायसी प्रयोजनका लागि ल्याउने समान समेत जफत गरेर आर्थिक र मानसिक यातनाको अनुभव गरिरहनु पर्ने अवस्थाले नेपाल सरकार, विमानस्थलका सम्बन्धीत निकाय र त्यहाँ कार्यरत कर्मचारीप्रति समेत नकारात्मक भावना उत्पन्न भएको हामीले महसुस गरेका छौ ।’

झिटी गुण्टा सम्बन्धमा बनेको नियमलाई अन्त्राष्ट्रिय मापदण्ड अनुसार समय सापेक्ष बनाउनु पर्ने तथा नयाँ नियम लागु गर्नु भन्दा कम्तिमा ६ महिना अगावै सार्वजनिक रुपमा सूचना दिई कष्टमुक्त बनाउन प्रयास गर्नुपर्ने देखिएको पनि एनआरएनएले जनाएको छ ।
त्यस्तै तोकिएको भन्दा बढी समान ल्याउँदा जफत गरिनु भन्दा भन्सार तिरेर छुटाउन पाउने व्यवस्था मिलाउन उपयुक्त हुने पनि संघले जनाएको छ ।