हामी सबैकाे संसारन्यूज

६ फागुन, काठमाडौ । प्रधानमन्त्री केपी शर्मा ओलीले नेपाल ठुलो सम्भावनामुक्त मुलुक भएको उल्लेख गर्दै लगानीको आह्वान गरेका छन् । यहाँ सबै क्षेत्रमा हुने गरी लगानी नाफामुलक छ, कान्तिपुर मिडिया गु्रपको कान्तिपुर कन्क्लेभ उद्घाटन गर्दै आइतबार प्रधानमन्त्रीले भने, व्यवसायका लागि सुनिश्चित अवसर र निश्चित नाफा आवश्यक पर्छ । नेपालले यो दुवै दिन्छ ।

ओलीले वैदेशिक लगानीलाई सरकारले खुला हृदयले स्वागत गर्ने उल्लेख गर्दै आन्तरिक लगानी परिचालनका लागि पर्याप्त काम गरिरहेको र त्यसलाई सघाउने गरी विदेशी लगानी आवश्यक परेको बताए ।
प्रधानमन्त्रीले कृषिको आधुनीकरण, विद्युत उत्पादन र प्रसारण, पूर्वाधार विकास, पर्यटन र उत्पादनमूलक उद्योग, सुचना प्रविधि, स्वास्थ्य र शिक्षा जस्ता क्षेत्रमा लागानीमार्फत अर्थतन्त्रको मुहार फेर्न सकिने दाबी गरे । सोमबारको कान्तिपुर दैनिक बाट ।