हामी सबैकाे संसारन्यूज

१० फागुन, काठमाडौ । भारतबाट ल्याइएका इलेक्ट्रिक बसलाई चीाबाट ल्याएको प्रमाणित गर्न नमान्दा सचिव कृष्णप्रसाद देवकोटाले आफु संस्कृति, पर्यटन तथा नागरिक उड्डयन मन्त्रालयबाट सरुवामा परेको दाबी गरेका छन् । गत वर्ष मन्त्रालयमा सरुवा भएर आएका देवकोटालाई अहिले युवा तथा खेलकुद मन्त्रालयमा पठाइएको हो ।

मन्त्रालयमा बुधबार बिदाई कार्यक्रममा देवकोटाले इलेक्ट्रिक बसको दबाब नमान्दा आफू सरुवामा परेको पर्यटनमन्त्री रवीन्द्र अधिकारीकै सामुन्ने बताएका हुन् । कसले दबाब दिएको भन्ने बारे उनले खुलाएनन् । सरकारले २ करोडमा खरिद गरेका बीवाइडी इलेक्ट्रिक बसलाई चीनबाट आयात गरिएको प्रमाणित नगरिदिएका कारण आफु सरुवामा परेको भनाई थियो । ती बस आयात गर्ने साहुले नै भन्सारमा कन्ट्री अफ ओरिजन भारत भनेर लेखेको छ, उृनले भने, म कसरी चीनबाट आयात भएको लेख्न सक्छु आफुलाई ती इलेक्ट्रिक बस चीनबाट आयात भएको लेख्ने आधार नभएको प्रस्ट पार्दै उनले भने । शुक्रबारको कान्तिपुर दैनिकमा सुरज कुंवरले लेखेका छन् ।