हामी सबैकाे संसारन्यूज

१० फागुन, काठमाडौ । सरकारले सामुदायीक विद्यालयमा करोडौँ रुपैँया खर्चिए पनि त्यसले उचित प्रतिफल दिन नसकेको पाइएको छ । करोडौँको लगानीले आशातीत प्रतिफल नदिएको भन्दै शिक्षा क्षेत्रको लगानी बालुवामा पानी भएको टिप्पणी शिक्षाविद्हरुको छ ।
शैक्षिक गुणस्तर दिन प्रतिदिन खस्किँदै गएकाले सामुदायिक विद्यालयप्रति अभिभावकको विश्वास गुम्ने क्रम बढेको छ ।

सामुदायीक विद्यालयको गुणस्तर अत्यधिक खस्किन थालेपछि न्युन आर्थिक अवस्था भएकाहरु प्नि आफ्ना छोराछोरीलाई दुख गरेरै भए पनि निजी विद्यालयमा पढाउन विवश भएका छन् ।
दक्ष विषयगत शिक्षक अभाव र शिक्षण विधि प्रभावकारी हुन नसक्नुले पनि शैक्षिक गुणस्तरमा कमी आएको पाइएको हो ।
अधिकांश विद्यालयमा पाठ्यपुस्तक केन्द्रित शिक्षण विधि नहुनु, शिक्षकले तालिम लिएर पनि त्यसअनुरुप शिक्षण नगर्नु, समयमा पाठ्यपुस्तक नपुग्नुलगायतका कारणले शिक्षाको गुणस्तर खस्कँदै गएको शिक्षा आयोगले प्रतिवेदनमा समेत जनाइएको छ । शुक्रबारको राजधानी दैनिकमा प्रशान्त वलीले लेखेका छन् ।