हामी सबैकाे संसारन्यूज

१४ फागुन, पाल्पा । जिल्लाको निस्दी गाउँपालिका ४ मित्यालमा हावा र सौर्य शक्तिबाट विद्युत उत्पादन गरिएको छ । गाउँपालिका केन्द्र रुक्सेभन्ज्याङमा १ हजार २ सय वाट विद्युत उत्पादन गरिएको हो । बैकल्पिक ऊर्जा प्रवद्र्धन केन्द्रको अध्ययनले निस्दीमा वायु ऊर्जाको प्रशस्त सम्भावना देखाएपछि तीव्रता दिइएको छ ।

रुक्सेभन्ज्याङमा पीडा नेपालको प्रविधिक सहयोगका कापेक संस्थाले हावाबाट विद्युत निकाल्ने काम गरेको हो । यसका लागि तीन वर्षअघि काम सुरु भएको थियो । जसमा जर्मनीको विसिन्सले समेत सहयोग पुर्याएको छ । आठ लाख रुपैयाँ लगानीमा हावाबाट बिजुली निकालिएको हो । १ हजार २ सय वाट विद्युतमध्ये ६ सय वाट हावाबाट र ६ सय वाट सौर्य ऊर्जाबाट निकालिएको हो । यो योजना कम्तीमा पनि पाँच वर्षसम्म सन्चालन हुनेछ । मंगलबारको नागरिक दैनिकमा मुक्तिप्रसाद न्यौपानेले लेखेका छन् ।