Sansar News
१४ फागुन, काठमाडौँ । आठौँं राष्ट्रिय खेलकूद प्रतियोगितामा प्रदेश नं ३ बाट कबड्डीमा सहभागी हुने पुरुष तथा महिला टोली छनोट भएका छन् ।
समान १२–१२ पुरुष÷महिला टोली छनोट गरिएको प्रदेश ३ खेलकूद परिषद्का कार्यालय प्रमुख लीलाराम बस्नेतले जानकारी दिए । आज भएको छनोटमा पुरुषमा मनोज नापित, रवि सैंजु, अजय मानन्धर, राजेन्द्र तामाङ, सविन वोहजु, विनय गोसाईं, रोहन तजले, सुरज अधिकारी, आशिष थिङ, मानसिंह गुरुङ, कुँवेर कार्की र प्रज्ज्वल श्रेष्ठ छन् ।
महिलातर्फ रविता दुवाल, पूजा दुवाल, रोशनी दुवाल, इशुदा गिरी, रोजिना खायमली, सृजली कोजु, सङ्गीता सुनुवार, सुस्मा मगर, सुस्मिता गुरुङ, कोपिला कार्की, भावना मगर र बविता पकुवाल छन् ।
टेबलटेनिस छनोट शुरु
आठौँ राष्ट्रिय खेलकूदका लागि प्रदेश नं ३ को टेबलटेनिस छनोट आजदेखि लैनचौरस्थित राष्ट्रिय टेबलटेनिस प्रशिक्षण केन्द्रमा शुरु भएको छ ।
प्रतियोगिताको राष्ट्रिय खेलकूद परिषद्का सदस्य एवं प्रदेश ३ खेलकूद परिषद्का संयोजक सुदिल शाहीले टेबलटेनिसका मुख्य प्रशिक्षक विनोद शाक्यलाई खेल सामग्री हस्तान्तरण गरी उद्घाटन गरेका थिए ।
प्रतियोगितामा १३ जिल्लाका ४१ पुरुष र २९ महिला खेलाडी सहभागी छन् । दुवैतर्फ सहभागीलाई आठ समूहमा बाँडेर लिग कम नकआउट आधारमा खेल खेलाइने छ । पाँच–पाँच पुरुष÷महिला खेलाडीले राष्ट्रिय खेलकूदमा सहभागिताको अवसर पाउने छन् । छनोट शुक्रबारसम्म चल्ने छ ।
वि.सं.२०७५ फागुन १४ मंगलवार १९:३८ मा प्रकाशित
