हामी सबैकाे संसारन्यूज

१५ फागुन, काठमाडौं । नेपालमा चिनियाँ लगानी बारे अमेरिकाले पारदर्शिताको प्रश्न उठाएपछि चीनले हअसन्तुष्टि जनाएको छ । चिनियाँ राजदूत होउ यान्छीले कोसौ टाढा रहेको मुुलुकले छिमेकमा अविस्वास पैदा हुने गरी टिप्पणी गरेको बताएकी छन् । हिमाल र नदि नालाले जोडिएको नेपाल–चीन बर्षौदेखिको दुःख सुखका छिमेकी भएको उनको भनाई छ ।
अमेरिकी उपसहायक रक्षामन्त्री जोसेफ एच फेल्टरले सोमबार काठमाडौंमा चिनियाँ लगानी नेपालको हितमा हुनुपर्ने बताएका थिए । यो पारदर्शी पनि रहनुपर्ने उनको धारणा थियो । राजदूत होउले अर्काको लगानीको टिप्पणी गर्नुभन्दा आफ्नो सहयोग अघि बढाएर ती मुलुकको सम्पन्नताको अभियानमा सघाउनु पर्ने बताइन् । ललितपुरमा मंगलबार सुरु बेल्ट एन्ड रोड इनिसियटिभ (बिआरआई) अन्तराष्ट्रिय सम्मेलनको उद्घाटनका क्रममा राजदूत होउले कोसौ टाढाको देशले नेपाल–चीन सम्बन्ध बारे नकारात्मक टिप्पणी गर्नु अनुचित रहेको बताइन् । उनले कूटनीतिक ख्याल राख्न सुझाव दिइन् । ‘मुलुक –मुलकबीच अविश्वास पैदा गर्ने गरी धारणा राख्नु सम्बन्धलाई नकारात्मक दृष्टि लगाउनु हो,’ उनले भनिन् । बुधबारको अन्नपूर्ण पोष्ट दैनिकमा निर्दोष घोरसाइनेले लेखेका छन् ।