हामी सबैकाे संसारन्यूज

१५ फागुन, काठमाडौ । सरकारी सेवामा रहेका चिकित्सकहरुले बुधबार बाट अनिश्चितकालीन आन्दोलन सुरु गरेका छन् । बहिरङ्ग सेवा बन्द गरेका सरकारी चिकित्सकहरुलाई भेट्न अब इर्मजेन्सी बाहेक अन्यत्र नपाइने भएको छ ।
कर्मचारी समायोजन अध्यादेश २०७५ प्रति असन्तुष्ट चिकित्सकहरु आन्दोलीत हुँदा सर्वसाधारण बीरामी भने मारमा परेका छन् । वरीष्ठ चिकित्सकहरुले स्वास्थ्य संस्थामा आन्दोलन गर्नु आचारसहिंता विपरीत भएको भन्दै आपत्ती जनाए पनि सरकारी चिकित्सकहरु भने आन्दोलनमा रहेका छन् ।

जस्तोसुकै अवस्थामा पनि चिकित्सकहरुले सेवा दिनु पर्ने राय वरीष्ठ मुटु रोग विशेषज्ञ प्रा.डा. अरुण सायमीको छ । यस्तै मान्यता राख्छन् वरीष्ठ चिकित्सक तथा क्यान्सर रोग विशेषज्ञ डा. राजेन्द्र बराल ।
यसका बाबजुद पनि चिकित्सक आन्दोलनमा छन् । दुरदराज बाट अस्पताल पुगेका लाखौ बिरामी स्वास्थ उपचारको अभावमा अलपत्र छन् । त्यसमाथि ६ सय सरकारी चिकित्सकहरुले राजीनामा गर्ने भन्दै हस्ताक्षर गरेका छन् । यसले सरकारी स्वास्थ्य सेवालाई अस्थिर बनाएर निजी अस्पताल पोस्ने मात्रै काम हुने आम सर्वसाधारणको राय छ ।