हामी सबैकाे संसारन्यूज

साउदि अरब । नेपाली दिदीबहिनी समुह साउदीले १०९ औँ अन्तर्राष्ट्रिय नारी दिवस मनाएका छन् । विभिन्न कार्यक्रमहरू एकसाथ हुन गएकोले एक हप्ता अगावै १ मार्च २०१९ शुक्रबारका दिन साउदीको पूर्वी शहर दम्माम स्थित अल खयाम रेष्टुरेण्टमा नारी दिवस कार्यक्रम मनाइएको हो ।
नेपाली राजदूताबास रियादको द्धितिय सचिव श्रीमती तारा गौतमको प्रमुख आतिथ्यता र नेपाली दिदी बहिनी समुहकी संयोजक श्रीमती तुलशी गुरूङको सभापतित्वमा कार्यक्रम सम्पन्न गरिएको थियोे ।

नेपाली राष्ट्रिय गानसँगै सुरू भएको उक्त कार्यक्रमलाई प्रमुख अतिथिबाट दिप प्रज्वलन गरी उदघाटन गरिएको थियो भने डिके चाम्लिङले स्वागत मन्तव्य राखेका थिए ।
कार्यक्रममा अतिथिको रूपमा दूतावासको स्थानिय कर्मचारी हरी घिमिरे लगायत विभिन्न संघ संस्थाको प्रतिनिधीहरू, समाज सेवीहरू, व्यबसायीहरू, मिडियाकर्मीहरू र विभिन्न कम्पनीहरूमा कार्यरत नेपाली नर–नारीहरूको उस्थिती रहेको थियो ।

कार्यक्रमको पहिलो खण्डमा औपचारिक कार्यक्रम राखिएको थियो भने दोस्रो खण्डमा साँस्कृतिक कार्यक्रम राखिएको थियो । पहिलो खण्डको कार्यक्रममा मन्तव्य राख्ने क्रममा वक्ताहरूले नारी दिवस मनाउँदै गर्दा निर्मला पन्तको हत्यारा पत्ता लगाउन विलम्ब गरेको र राष्ट्रपति विद्या देवी भण्डारीलाई जानकी मन्दिरमा पूजा गर्दा गरिएको अपमानलाई सम्झँदै दुस्ख व्यक्त गरेका थिए । साथै गृहिणीहरूले आय–आर्जनको काम नगरिँदैमा केही नगरेको सम्झी दुखी नहुन आह्वान गर्दै बिहान देखी साँझ सम्म गरिने कार्यलाई मनन गर्न सुझाव दिएका थिए ।

दोस्रो खण्डमा स्थानिय कलाकारहरूले आ–आफ्ना गायन तथा नृत्य प्रस्तुत गरेका थिए भने उक्त कार्यक्रमलाई रोशन श्रेष्ठले संचालन गरेका थिए ।