हामी सबैकाे संसारन्यूज

२० फागुन, पोखरा । यहाँ महिनौजसो प्याराग्लाइडिङ दुर्घटना हुन्छन् । तीमध्ये केही घटना बाहिर आउँछन् भने कतिपय घटनालाई गुपचुप पारिन्छन् । व्यवसायी सकेसम्म प्याराग्लाइडिङ दुर्घटनाका क्षतिको खबर बाहिर ल्याउन चाहन्दैनन् । क्षतिको घटना बाहिर आए पर्यटकमाझ नराम्रो सन्देश जाने व्यवासायीको धारणा छ ।

आखिर किन हुन्छन् पोखराको आकाशमा बारम्बार प्याराग्लाइडिङ दुर्घटना ? नेपाल हवाई खेलकुद संस्था एनएए का उपाध्यक्ष सोवित बानियाँ भन्छन् , जसले जहाँबाट यडे पनि रोकतोक छैन । आकाशमा उड्ने प्याराग्लाइडिङलाई बतैबाट नियमन हुँदैन । मनपरी भएकाले जोकोहीँ जहाँ पायो त्यहीँबाट उड्छन् अनि एकआपसमा ठोक्किएर दुर्घटना हुन्छ । कतिपयले मौसमको ख्यालसमेत गर्दैनन् । अनुभव नै नभएको पाइलट एकाएक व्यावसायिक उडान हुने क्षेत्रमा पुगेर हामफाल्दा यो समस्या आएको हो, बानियाँ भन्छन्, कुन तहको सिकाइ भएको पाइलटले यहाँ उडान भरेको हो र उसले उडाउने ग्लाइडरको अवस्था कस्तो थियो भन्ने कतै परीक्षण हुँदैन । अनुमति लिएको भरमा एकाएक हामफाल्न पुग्छन् । सोमबारको नागरिक दैनिकबाट ।