हामी सबैकाे संसारन्यूज

गैरआवासीय नेपाली संघ (एनआरएनए) स्वीडेनको पहलमा रोल्पाको एक विद्यालयका विद्यार्थीलाई छात्रवृत्ति वितरण गरिएको छ ।
एनआरएनए स्वीडेनका अध्यक्ष अर्जुन श्रेष्ठको सहभागीतामा ‘चाइल्ड टु चाइल्ड’ सहयोग कार्यक्रम अन्तर्गत सिद्धार्थ मावि घोप्टे ओडार, गंगादेव ३ रोल्पामा द्धन्द्धपीडित, टुहुरा तथा अनाथ बालबालिकालाई छात्रवृत्ति वितरण गरिएको हो ।
उक्त छात्रवृत्ति वितरण कार्यक्रमअन्तर्गत विद्यालयमा अध्ययनरत अति विपन्न विद्यार्थीलाई विगत डेढवर्ष देखि मासिक ५० स्व्ीडिस क्रोनर रकम उपलब्ध गराउँदै आएको बताइएको छ । उक्त रकम स्विडेनमा वस्ने नेपालीहरुका छोरा छोरीले आफ्नो खाजा खर्चवाट सहयोग गरिएको बताइएको छ ।
यसैगरी एनआरएनए स्वीडेनले सिद्धार्थ नमुना बिद्यालय भवनको दुई कोठा निर्माणका लागि ७ लाख रुपैयाँ आर्थिक सहयोग समेत गरेको छ । साथै रुकुमको बाफिकोटको छिन्खेतमा हेल्थपोष्ट निर्माणका लागि १० लाख सहयोग गर्ने घोषणा समेत गरेको छ । उक्त हेल्थपोष्टको भवन शिलान्यास फागुन ९ गते गरिएको छ ।

सोहि अवसरमा अध्यक्ष श्रेष्ठले सिद्धार्थ माविलाई नमुना बनाउनका लागि एनआरएनए स्वीडेनको सहयोग निरन्तरता हुने बताउँदै परोपकारी काममा सहयोग गर्ने योजना व्यवस्थापन समितिका सबैमा धन्यवाद ज्ञापन गरेका थिए ।