हामी सबैकाे संसारन्यूज

२० फागुन, काठमाडौं । ललितपुरको जावलाखेलमा आयोजित बाह्रौ राष्ट्रिय प्रांगारिक  कृषि मेला आइतबार सम्पन्नभएको छ ।
‘प्रांगारिक कृषि पद्धति अपनाऔं, माटो र जीवन बचाऔं’ भन्ने मुल नारासहित फागुन १६ देखि १९ सम्म चलेको उक्त मेला ६० हजारले अवलोकन गरेको आयोजकले बताएका छन् ।
कृषि पूर्वाधार विकास तथा कृषि यान्त्रीकरण प्रवद्र्धन केन्द्रको आयोजनामा सम्पन्न चारदिने उक्त मेलामा एकसय २५ स्टल राखिएको थियो । मेलामा कर्णाली प्रदेशका विभिन्न जिल्लाका अग्र्यानिक स्टलहरुका साथै प्रांगारिक मल, स्थानीय परिकार, स्थानीय बीउ, बाली उपचार शिविर, माटो परीक्षण लगायतका विभिन्न सेवा सहितका स्टलहरु राखिएको थियो ।

उक्त मेलाको शनिबार कृषि मन्त्री चक्रपाणी खनालले पनि अवलोकन गरेका थिए ।
पछिल्लो समय तरकारी लगायतका खाद्य वस्तुमा अत्यधिक विषाधि प्रयोग गरिँदा त्यसले उपभोक्तको स्वास्थ्यमा हानी प¥याएकोले प्रांगारिक तरिकाबाट उत्पादन बढाउन तथा उपभोक्ताले पनि अग्र्यानिक नै उपयोग गर्नुपर्छ भन्ने सन्देश दिन उक्त मेलाको आयोजना गरिएको आयोजकको भनाईछ ।