हामी सबैकाे संसारन्यूज

२२ फागुन, काठमाडौं । एनआरएनए अमेरिकाको आगामी मे मा हुन लागेको निर्वाचनमा अध्यक्षको उम्मेदवारी दिएका संजय थापाले सबैलाई आफूनै अध्यक्ष बन्छु भन्ने कुराले विगारेको बताएका छन् ।
आगामी मे महिनामा हुने उक्त निर्वाचनका लागि हालसम्म थापा सहित सुनिल शाह, अर्जन वन्जाडे, सुर्य लम्साल र विनोद तिवारी गरी ५ जनाले उम्मेदवार घोषणा गरेका छन् ।
यस्तो सामाजिक संस्थामा पनि यतिधेरैले अध्यक्षका लागि मरिहत्ते गर्नुपर्छ ? भनेर सोधिएको संसारन्युजको प्रश्नमा अध्यक्ष थापाले भने ‘सामाजिक संस्था हो सवै मिलेर काम गर्न सक्न पथ्र्यो मैले त सवै मिलेर काम गरौ भन्ने प्रस्ताव पनि गरेको थिए, तर सवैलाई आफू मात्र हुनेपर्ने भन्ने कुराले विगार्यो । कतिपय साथीहरु आफ्नो निर्णय भन्दा वाहिरी वातावरणवाट घेरै प्रभावित भएर उम्मेदवार हुनु भएको जस्तो देखिन्छ ।’
थापाले एनआरएनए अमेरिकाको संस्थागत विकास, विकृति र विसंगति निर्मुल पार्ने, नेपालीहरुको सम्बृद्धि, सुखी नेपाली समृद्ध नेपालको नारालाई सफल बनाउन सहयोग गर्ने, आफूले जानेको सीप, आर्जन गरेको ज्ञान र धन मात्र नभएर अन्य नेपालीको लगानीलाई नेपाल लैजान सर्वसुलभ वातावरण निर्माण गर्ने लगायतका ऐजेन्डहरु अगाडि सारेका छन् ।
अमेरिकामा रहेका सम्पूर्ण नेपालीको सुख दुःखमा साथी बन्ने बताउने थापाले ३८ वर्ष निरन्तर विभिन्न सामाजिक संस्थामा नेतृत्वमा रहेर काम गरेको बताएका छन् ।
एनआरएनए अमेरिकाको बोर्ड अफ डाइरेक्टर समेत रहिसकेका थापाका अनुसार नेपालमा विभिन्न क्लव, उच्च मावि तथा सामुदायिक कलेजहरु, नेपाल रेडक्रस, लायन्स कल्व, विभिन्न धार्मिक कार्यको लागि गठन भएका समितिहरु, अमेरिकामा आएपछी वल्ड डोनर एसोसियसन तथा प्रवासी नेपाली मन्च जस्ता अमेरिकी कानुन वमोजिम दर्ता भएका सामाजिक सस्थाहरुमा विभिन्न पदमा रहेर काम गरिसकेका छन् ।