हामी सबैकाे संसारन्यूज

२९ फागुन, काठमाडौ । पछिल्लो समयमा नेपालमा पर्यटक आगमन बढेको छ । फेब्रुअरी महिनाको पर्यटक आगमन तथ्यांकले पनि यसलाई पुष्टि गरेको छ । सन् २०१९ को दोस्रो महिना फेब्रुवरीमा १ लाख २४ हजार ४ सय २१ जना विदेशी पर्यटकले नेपालको भ्रमण गरेका छन् ।

सन् २०२० लाई पर्यटन वर्षको रुपमा मनाउने तयारी गरेको सरकारका लागि यो शुभ संकेत हो । हवाईमार्ग भएर नेपाल आउने पर्यटकको संख्या अत्याधीक हुनुले नेपाल भ्रमण वर्ष सफल पार्न सहयोग पुग्ने आसा पर्यटन अधिकारीहरुमा पलाएको छ ।

पर्यटन विभागका अनुसार फेब्रुवरी महिनामा मात्रै ९७ हजार ६ सय ९४ पर्यटक हवाई मार्ग भएर नेपाल भित्रिएका छन् । यस्तै २६ हजार ७ सय ३८ पर्यटकले सडक मार्ग बाट नेपाल भ्रमण गरेको तथ्यांक विभागले सार्वजनिक गरेको छ । सार्क राष्ट्रहरुबाट मात्रै ३१ हजार ८ सय ३१ पर्यटकले नेपालको भ्रमण गरेका छन् । भारतबाट १४ हजार ५ सय ७१ पर्यटन नेपालको भ्रमण गर्न आएका छन् । यस्तै चीनबाट १५ हजार ३ सय ९३ पर्यटकको आगमन भएको छ ।