हामी सबैकाे संसारन्यूज

१ चैत, काठमाडौ । सप्तरी, कास्की, कञ्चनपुर, मकवानपुर र रोल्पामा भएका छुट्टाछुट्टै सवारी दुर्घटनामा ६ जनाको मृत्यु भएको छ ।
काठमाडौं, दाङ मैनाघाटस्थित सडकमा बा ५ च १७४१ नम्बरको कारले फागुन २१ गते ठक्कर दिँदा गम्भीर घाइते भएकी पैदलयात्री प्यूठान हंशपुर -३ की २२ वर्षीया धनकुमारी सुनुवारलाई स्थानीय अस्पताल हुँदै ओम अस्पताल चावहिल, काठमाडौं ल्याइएकोमा उपचारको क्रममा बिहीबार साँझ मृत्यु भएको छ । कार र चालकलाई स्थानीय प्रहरीले नियन्त्रणमा लिएको छ ।

सप्तरी, कन्चनरुप नगरपालिका९६ स्थित भित्री सडकखण्डमा को ११ प ९३१२ नम्बरको मोटरसाइकलले साइकललाई ठक्कर दिँदा बिहीबार साँझ मोटरसाइकलयात्री उदयपुर बेल्का नगरपालिका-१ बस्ने ४५ वर्षीय संजय चौधरी गम्भीर घाइते भएकाले उपचारको लागि सगरमाथा अंचल अस्पताल राजबिराज लैजाने क्रममा बाटोमै मृत्यु भएको छ । दुर्घटनामा घाइते भएका साइकलयात्री सोही ठाउँ बस्ने ६० वर्षीय मुरली गुप्ताको धर्मेश्वर अस्पताल ठेलियामा उपचारको भइरहेको छ ।

कास्की, पोखरा महानगरपालिका -१४ चाउथेस्थित सडकमा ग४ प ९४३४ नम्बरको मोटरसाइकललाई ना ३ ख १६४० नम्बरको ट्रकले बिहीबार साँझ ठक्कर दिँदा मोटरसाइकल चालक तनहुँ भिमाद नगरपालिका-६ बस्ने २१ वर्षीय राजेन्द्र परियार गम्भीर घाइते भएकाले अन्नपूर्ण अस्पताल हुँदै मणिपाल अस्पताल पठाइएकोमा उपचारको क्रममा मृत्यु भएको छ । दुवै सवारी साधन र ट्रक चालकलाई प्रहरीले नियन्त्रणमा लिएको छ ।