हामी सबैकाे संसारन्यूज

७ चैत, भरतपुर । भरतपुर अस्पतालमा अंगदान गर्न सकिने भएको छ । अस्पतालले मरणोपरान्त अंग लिने र सुरक्षित राख्ने व्यवस्था गरेको छ ।
राष्ट्रिय मानव अंग प्रत्यारोपण केन्द्रको सहयोगमा अंगदान गर्न सकिनेव्यवस्था गरिएको अस्पतालका सुपरिटेन्डेन्ट डा.कृष्णप्रसाद पौडेलले बताए ।

सरकारले हरेक प्रदेशमा अंग प्रत्यारोपण गर्न सकिने गरी एउटा अस्पतालमा सेवासुवीधा बढाउने तयारी गरेको छ । त्यसमध्ये पनि मिर्गौला प्रत्यारोपण केन्द्र सन्चालनलाई प्राथमिकतामा राखेको छ ।प्रदेश ३ को भरतपुर अस्पतालमा मिर्गौला प्रत्यारोपण केन्द्र सन्चालन गर्ने पहल थालिएको डा. पौडेलले बताए ।

त्यहीअनुसार, अंगदान गर्न सकिने व्यवस्था गरिएको उनको भनाइ छ ।
भरतपुर अस्पतालमा मरणोपरान्त अंगदान गर्ने कार्यक्रमको १८ फागुनमा नै उपप्रधानमन्त्री एवं स्वास्थ्यमन्त्री उपेन्द्र यादवले शुभारम्भ गरेका थिए । बिहीबारको नयाँपत्रिका दैनिकमा विवेक पोखरेलले लेखेका छन् ।