हामी सबैकाे संसारन्यूज

९ चैत, काठमाडौ । मुलुकका सुगम र कतिपय दुर्गम जिल्ला तथा स्थानीय तह मानव दिसामुक्त क्षेत्र घोषित छन् । तर काठमाडौ उपत्यकाका सहरी सडक कुकुरको दिसाबाट मुक्त हुन सकेको छैन ।

सहरका कुकुर पाल्न सक्ने हुनेखाने नै घरपालुवा कुकुरलाई डोर्याउँदै सडक, गल्ली र छिमेकीको घरको ढोका पर्खाल अगाडि दिसापिसाब गराउन अलिकति पनि संकोच मान्दैनन् । सडकमै दिसापिसाब गराउने प्रवृत्ति सुधार गर्नुपर्छ भन्ने चेत महानगरीय सभ्यतामा अझै पनि पलाएकै छैन । यो चेतनाबिहीन कार्यलाई सुधार गर्न कुकुरधनी स्वयंको सोचमा सुधार नआउन्जेल त्यति सहज नभएको कतिपयको भनाइ छ ।

दी केनल क्लब कलंकीका व्यवस्थापक राज लुइँटेल भन्नुहुन्छ, कुकुरलाई तालिम दिएर यसमा सुधार गर्नै सकिन्न, कुकुर मालिक आफैँ सुध्रनु पर्छ ।
लुइँटेलका अनुसार कुकुरले एकपटक जहाँ दिसा गर्यो, सधैँ त्यहीँ गरिरहन्छ । यो कुकुरको बानी हो । मानिसलाई लाग्न सक्छ आज पनि फेरी मेरै ढोका अगाडि दिसा गरायो । तर, एकपटक दिसा गरेको माटो सहितको दिसा उठाएर आफ्नै घर कम्पाउन्डमा राख्ने हो भने कुकुरले मालिककै कम्पाउन्डमा दिसा गर्छ, छिमेकीको डोका वा बाटो गल्लीमा दिसा गर्न निस्कँदैन । शनिबारको गोरखापत्र दैनिक बाट ।