Sansar News
११ चैत, काठमाडौं । नेत्रविक्रम चन्द नेतृत्वको समूहले मोटो रकम चन्दा माग्दै स्थानीय तहका कर्मचारीलाई पत्र थमाउन थालेको छ । नगरपालिकामा ५० लाख र गाउँपालिकामा ५ लाख सम्म माग्दै आएको उक्त समूहले नियमित बजेटबाट नमिले विभिन्न योजनाको ठेक्का रकमबाट बुझाउन दबाब दिइरहेको छ ।
पूर्वी पहाडी गाउँपालिका बुलिङटारमा चन्द समूहका वीरगन्ज इन्चार्जका नाउमा बुझाइएको पत्रमा चैत १४ भित्र रकम दिइसक्न उर्दीछ । पत्रमा गाउँपालिका कार्यालय काली गण्डकी, देउसत खोला, फुलमादी लगायतका नदी खोलाबाट ढुंगा गिट्टी उठाउन लगाइएको ठेक्का रकमबाट पार्टी चलाउन भन्दै पहिलो किस्ता १० लाख ५० हजार मागिएको छ । पूर्वी पहाडी भेगमा चन्द समूहका गगन उपनामका नेता सक्रिय छन् ।
उनैले गाउँपालिकाका प्रमुख प्रशासकिय अधिकृत बालकृष्ण अधिकारीलाई पत्र थमाएका हुन् । अधिकारीले त्यसरी चन्दा दिने स्रोत आफूहरुको नभएको भन्दै अस्वीकार गरेका छन् ।
सोमबारको कान्तिपुर दैनिकमा नारायण शर्माले नवलपरासीबाट लेखेका छन् ।
वि.सं.२०७५ चैत ११ सोमवार ०७:१० मा प्रकाशित
