Sansar News
११ चैत, काठमाडौ। जापानमा नेपाली श्रमिक आपूर्ति गर्ने विषयमा सोमबार (आज) समझदारी( एमओसी) मा हस्ताक्षर हुने भएको छ । सोमबार राजधानीमा हुने एक कार्यक्रमका बीच नेपाल र जापानबीच हस्ताक्षर हुने श्रम, रोजगार तथा सामाजिक सुरक्षा मन्त्रालयले जनाएको छ ।
नेपालका तर्फबाट श्रम, रोवजगार तथा सामाजिक सुरक्षा मन्त्रालयका निमित्त सचिव रामप्रसाद घिमिरे र जापानको परराष्ट्र मन्त्रालयका अधिकारबीच श्रमिक आपुर्ति गर्ने विषयसम्बन्धी सहकार्यको समझदारीमा हस्ताक्षर गरिनेछ ।
निमित्त सचिव घिमिरेले जापानले नेपाली श्रमिक लैजाने विषयमा परराष्ट्र, श्रम, न्याय मन्त्रालय र राष्ट्रिय प्रहरी प्रशासनसँग हस्ताक्षर गर्नुपर्नेमा परराष्ट्रबाहेक हस्ताक्षर भइसकेकाले परराष्ट्रसँग सोमबार एमओसी गर्न लागिएको जानकारी दिनुभयो ।
जापानले कृषि, मत्स्यपालन, औद्योगिक क्षेत्र, होटल, रेस्टुरेन्ट पर्यटन व्यवसायमा नेपाल, चीन, इडोनेसियालगायतका नो देशका युवा श्रमिकलाई रोजगारीको अवसर दिने गरी यो कार्यक्रम जापानले शुरु गरेको हो । सोमबारको गोरखापत्र दैनिक बाट ।
वि.सं.२०७५ चैत ११ सोमवार ०७:५९ मा प्रकाशित
