हामी सबैकाे संसारन्यूज

१२ चैत, काठमाडौ । एसीयाली विकास बैंकको ऋण सहयोगमा निर्माण प्रक्रिया थालिएको कन्चनपुर–कमला सडक ठेक्का प्रक्रिया विवादमा परेको छ । कुल ८७ किलोमिटर लम्बाइको सो सडक निर्माण ठेक्का प्रक्रियामा नेपाली निर्माण व्यवसायीले भाग लिन नसक्ने गरी सरकारले मापदण्ड बनाएको नेपाल निर्माण व्यवसायी महासंघको आरोप छ । तर, एडिबीको ऋण सहयोग भएकाले ठेक्का प्रक्रियामा उसैको खरिद मापदण्ड अपनाउँदा नेपाली व्यवसायी सहभागी हुन नपाएको भौतिक पूर्वाधार तथा यातायात मन्त्रालयका सचिव मधुसुदन अधिकारीले बताए ।

नेपाली निर्माण कम्पनीसँग तोकिएको क्षमता र अनुभव नभएकाले ठेक्का प्रक्रियामा सहभागी हुनबाट बन्चित भएको उनको भनाइ छ । कुल १७ अर्ब ९४ करोड ३७ लाख रुपैयाँ लागतको सडक ठेक्का प्रक्रिया २७ भदौ ०७५ देखि थालिएको हो । मंगलबारको नयाँ पत्रिका दैनिकबाट ।