१७ चैत, चितवन । कुमरोज मध्यवर्ती सामुदायिक वनले चालू आर्थिक वर्षको ६ महिनामा पर्यटक सेवाबाट २ करोड ११ लाख ६ हजार रुपैयाँ आम्दानी गरेको छ कुमरोजले गत आर्थिक वर्षमा १ करोड ६८ लाख ९४ हजार ७ सय ४४ रुपैयाँ आम्दानी गरेको थियो । सौराहा आउने पर्यटकको रोजाइमा कुमरोज क्षेत्र परेपछि पर्यटकीय गतिविधि बढिरहेको छ ।
कुमरोजमा नेपाली पर्यटकको संख्या पनि बढेको छ । चालू आर्थिक वर्षको ६ महिनामै गत वर्षको भन्दा दोब्बर पर्यटकले भ्रमण गरेका छन् । गत पुस मसान्तसम्म नेपाली पर्यटकबाट प्रवेश शुल्कबापत १ लाख ७० हजार ८ सय रुपैयाँ संकलन भएको छ । गत आर्थिक वर्ष नेपाली पर्यटकबाट प्रवेश शुल्कबापत ७० हजार मात्र संकलन भएको थियो ।
चालु आर्थिक वर्षको पुसमसान्तसम्म जिप सफारीबाट १ करोड ४० लाख १७ हजार ३ सय ५० रुपैयाँ संकलन भएको छ । आइतबारको नयाँ पत्रिका दैनिकमा दीपेन्द्र अधिकारीले लेखेका छन् ।
वि.सं.२०७५ चैत १७ आइतवार ०७:५२ मा प्रकाशित
