हामी सबैकाे संसारन्यूज

१७ चैत, काठमाडौ । राष्ट्रिय परीक्षा बोर्डले प्रदेश २ मा स्थगित एसईई चैतभित्रै गर्न तयारी अघि बढाएको छ । प्रदेश २ मा स्थगित र रद्ध भएका परीक्षा चैत महिनाभित्रै हुने बोर्डका सदस्यसतिव दुर्गाप्रसाद अर्यालले जानकारी दिए ।
परीक्षा सन्चालनका लागि समय तालिका रुटिन निर्माणको गृहकार्य गरिरहेको बोर्डले जनाएको छ । आइतबारसम्म परीक्षा तालिका सार्वजनिक गरिसक्छौ, उनले भने, चैतभित्रै परीक्षा सकेर उत्तरपुस्तिका परीक्षण थाल्छौ । केही दिन अघिपछि भए पनि सातवटै प्रदेशको नतिजा एकैदिन प्रकाशित गर्ने बोर्डले जनाएको छ ।

चैत १० गतेबाट सुरु भएको माध्यमिक शिक्षा परीक्षा कक्षा १० एसईई देशभर चैत २१ गते सकिने समयतालिका थियो । प्रदेश २ मा चैत १४ गते विज्ञान विषयको प्रश्न पत्र परीक्षाभन्दा पहिल्यै बाहिरिएपछि रद्ध गरिएको छ । उक्त विषयको परीक्षाको मिति चैत २२ गतेलाई तोकिएको छ । साविककै परीक्षा केन्द्र र समयमा उक्त परीक्षा सन्चालन हुनेछ । आइतबारको कान्तिपुर दैनिकमा सुदीप कैनीले लेखेका छन् ।