नेपालको सन्दर्भमा साढे १४ करोड रुपैयाँ भयो भने काठमाडौंमै झण्डै ६ वटा घर किन्न सकिन्छ । व्यवसायीले १४ करोडको औलामा गनिने राम्रो व्यवसाय गर्न सक्छन् । १४ करोड भयो पढ्न नपाएका धेरै बालबालिकाले शिक्षा लिन सक्छन् ।१४ करोडको लगानी रहेको उद्योगमा सयौंले रोजगार पाउँछन् ।१४ करोडमा त्यस्ता धेरै आर्थिक उर्पाजनका काम गर्न सकिन्छ । अहिलेको सन्दर्भमा न्यूनतम रुपमा एक गाउँपालिकाको बार्षिक बजेट भनेपनि हुन्छ ।
तर, संसारका धेरै सौखिन मान्छेका लागि १४ करोड सामान्य हुन्छन् । उसले आफ्नो शरीर, त्यो पनि अरुका नजिक जाँदा मगमग बसाउन र अरुको मन तान्नका लागि करोडौं खर्च गर्छन् । संसारका धेरै कम्पनीहरु त्यस्ता मानिसको सोख कसरी पूरा गर्न सकिन्छ भन्नेमा लागिपर्छन् ।
त्यस्तै शौख पूरा गर्नकै लागि एक कम्पनीले विश्वकै महँगो अत्तर बनाएको छ । उक्त अत्तरलाई इमिराती अत्तर कम्पनी नाबिल ब्रान्डले बजारमा ल्याएको हो भने ‘द स्पिरिट अफ दुबई’ ले यसको बोतल जनावरको चित्रबाट सजाएको छ । यसले दुबईको कथा बताउने पनि बताइएको छ ।
विश्वमै महँगो मानिएको यो अत्तरको बोतलले दुईपटक गिनिज रेर्कड समेत राखिसकेको छ । यो अत्तरको मूल्य तीन लीटरको १२ लाख ९५ हजार डलर अर्थात् १४ करोड ६९ लाख नेपाली रुपैयाँ रहेको बताइएको छ ।
यो अत्तर इटालियन क्रिस्टलको बोतलमा रहेको छ । यो बोतल सुनको बाँज, अरेवियन घोडा, गुलाफ, ३ हजार ५ सय ७१ हीरा, ३८.५५ क्यारेटको मोती, १८ क्यारेटको २.५ किलो सुन र ५.९ किलो चादीले सजिएको छ । यस बोतललाई छालाको सोफामा झण्डै २ मिटरको उचाइमा रहेको तथा यो रिमोट नियन्त्रित रहेको बताइएको छ ।
यो अत्तरमा चन्दन, कस्तूरी, लाङ–लाङ, टर्किस, भारतीय सुगन्धित विरुवाको अंश र अगरउड पनि समावेश गरिएको छ । एजेन्सी
वि.सं.२०७५ चैत १९ मंगलवार ११:१० मा प्रकाशित
