२१ चैत, काठमाडौ । नक्कली शैक्षिक प्रमाणपत्रको बिगबिगी बढेको छ । पछिल्लो समय प्रहरीमा धेरै नक्कली प्रमाणपत्र भेटिएका छन् । शिक्षा, स्थानीय तह, संस्थानमा पनि नक्कली शैक्षिक प्रमाणपत्र प्रयोग गरी जागिर खाने प्रवृत्ति देखिएको छ । सेवा प्रवेशदेखि बढुवा हुन भारतका विभिन्न विश्वविद्यालयका नक्कली प्रमाणपत्र पेस गरेको भेटिएको हो ।
अख्तियारका सहप्रवक्ता मदन कोइरालाले नक्कली शैक्षिक प्रमाणपत्र प्रयोग गरेर सरकारी लाभ लिएका उजुरी बढेको बताए । कुल मुद्धा दायर भएकामध्ये सबैभन्दा धेरै नक्कली शैक्षिक प्रमाणपत्रकै छन् । उजुरी पनि यस्तै छ, उनले भने । नक्कली शैक्षिक प्रमाणपत्रसम्बन्धी १ हजार ८ सय ४५ उजुरी परेका छन् । जसमा ३ सय २९ को मात्रै फस्र्योट भएको छ । १ हजार ५ सय १६ को अनुसन्धान भइरहेको छ । बिहीबारको अन्नपुर्ण पोस्टमा सुरेन्द्र काफ्लेले लेखेका छन् ।
वि.सं.२०७५ चैत २१ बिहीवार ०८:१० मा प्रकाशित