Logo
१४ मंसिर २०७९, बुधबार
     Wed Nov 30 2022
E-paper
  English Edition
   Unicode
Logo

लालीगुँरास सदुपयोग नहुँदा लाखौंको नोक्सानी



२२ चैत, डडेल्धुरा । वसन्त रितुको आगमनसँगै फुल्ने लालिगुराँस फूलको सदुपयोग नहुँदा लाखौँ रुपैयाँ मूल्य बराबरका नोक्सान हुने गरेको छ ।

डडेल्धुरा लगायत देशभरका वनैभरी फुलेको लालीगुराँसका फूलको उचीत उपयोग हुन नसक्दा त्यतिकै कुहीएर खेर गईरहेका छन् । लालीगुराँस फूलबाट उत्पादन हुने जुस मानव स्वास्थ्य र विभिन्न रोगको औषधिका लागिसमेत फाइदा पुग्ने भनिएता पनि त्यसको सदपयोग नहँुदा विभिन्न जिल्लाका वनहरुमा लालीगुराँस कुहिएर खेर गइरहेको हो ।

केही वर्ष पहिले डडेल्धुरामा लालीगुराँसको फूलको जुस उत्पादन हुने गरेको भए पनि पछिल्ला चार वर्षदेखि जुस उत्पादन गर्ने काम बन्द भएको छ । जिल्ला सदरमुकाममा रहेको ऋसीखोला सामुदायिक वनले तत्कालीन जिल्ला वन कार्यालय डडेल्धुरासँगको सहकार्यमा लालीगुराँसको जुस उत्पादन गर्ने गरेको भए पनि दुई समूहका बीचमा विवाद भएपछि जुस उत्पादन गर्ने कार्य बन्द भएको छ ।

लालीगुराँसको फूलको जुस स्वास्थ्यका लागि लाभकर हुन्छ । पहिला परम्परागत रुपमा जुस उत्पादन गरेको भए पनि अब उद्योग स्थापना गरेर लालीगुराँसको जुस उत्पादन गर्ने योजना रहेको ऋसीखोला सामुदायिक वन डडेल्धुराका सचिव प्रेम जैरुले बताए ।

डडेल्धुरामा उत्पादन हुने लालीगुराँस फूलको जुस सुदुरपश्चिम प्रदेशका अन्य जिल्लासहित बुटवलदेखि काठमाडौँसम्म निर्यात हुने गरेको थियो । डडेल्धुरासहित सुदूरपश्चिम प्रदेशका पहाडी जिल्लामा प्रयाप्त रुपमा लालीगुराँस फूल फुल्ने भएकाले उद्योग सञ्चालन गरे आम्दानी हुनुका साथै स्थानीय बासीन्दाले रोजगारी पाउनेमा समेत विश्वास लिइएको छ ।

सामुदायिक तथा सरकारी वनहरुमा यो समयमा वनैभरी लालिगुराँस फुलेको देख्न सकिन्छ । तर त्यसको उपभोग नहुँदा केही दिनमा नै त्यसै खेर जाने गरेको उद्योग वाणिज्य सङ्घ डडेल्धुराका महासचिव द्धिजराज भट्टले बताए ।

लालीगुँरास फूलको जुस मात्रै उत्पादन गर्न सक्ने हो भने राजगारका साथै राम्रो आम्दानीसमेत गर्न सकिने महासचिव भट्टको भनाइ छ ।


यो खबर पढेर तपाईलाई कस्तो महसुस भयो ?

काठमाडौं । अघिल्लो निर्वाचनमा नेपाली कांग्रेस तीनै तहको सरकारमा दोस्रो स्थानमा सीमित हुन पुगेको

काठमाडौं । हालसम्ममा जम्मा दुई लघुवित्त वित्तीय संस्थाले मात्रै गत आर्थिक वर्ष २०७८/७९ सम्मको

काठमाडौं । काठमाडौंमा मोटरसाइकल दुर्घटनामा परी २ जनाको मृत्यु भएको छ । गोकर्णेश्वर नगरपालिका–४