भन नानी वावालाई भन प्यारी छोरी !
काली हुँदा के बिग्रियो किन बन्ने गोरी ?
प्यारो गर्नु पर्छ आफ्नै जन्मजात छाला !
कि दल्ने पाउडर किन सेतो पार्ने गाला ?
भन नानी ………!
किन लाली लगाएर टल्काउँने ओठ ?
तिम्रो सुन्दरताभित्र छ र केही खोट ?
किन छोरी मान्छे मात्रै बन्नु पर्ने राम्री ?
कस्ले सिकाएको यस्तो भन छोरी हाम्री ?
भन नानी ………….!
किन चाहियो कम्मरसम्म लर्किएको केस ?
जान्न मात्रै खोजेको हुँ नलागोस है ठेस !
छोरीले नि मान्छे मात्रै बन्नु हुँदैन र ?
चाहिएन श्रृङ्गार भो भन्नु हुदैन र ?
भन नानी …………….!
सुन्दरता छाला हो कि चेतना हो छोरी ?
सुन्दरता सुख हो कि वेदना हो छोरी ?
सुन्दरता शक्ति हो कि कमजोरी हो छोरी ?
किन गोरी बन्नै पर्यो भन मेरी छोरी ?
भन नानी ………!
छोरा छोरी संसारमा मान्छे नै हो भनेके बिग्रिन्छ
भन छोरी मान्छे मात्रै बने ?
कस्ले भर्यो दिमागमा राम्री बन्ने भुस ?
कुरा बुझ त्यसपछि गर मन खुस !
भन नानी………….!
२०७५्/१२्र/२३सुवर्ण चोक भक्तपुर
वि.सं.२०७५ चैत २३ शनिवार १६:५८ मा प्रकाशित
