हामी सबैकाे संसारन्यूज

२४ चैत, काठमाडौ । दुई खेल जितेर तिन खेल हारेको सन्दीप लामीछानेको दिल्ली क्यापीटल्स र पाँच खेलमा पाँचै पराजय भोगेको कप्तान विराट कोहलीको रोयल च्यालेन्जर्स बैङ्गलोर आज दिउँसो सवा ४ बजे भीड्ने भएका छन् ।
बैङ्गलोरको घरेलु मैदानमा पहिलो जित निकाल्ने लक्ष्यमा रहेको रोयल अहिले सम्म अङ्क बिहीन रहेको छ । यता दिल्ली भने लिगको छैटौ स्थानमा छ ।
आजको चुनौतीपुर्ण खेलमा जित निकाल्न सके दिल्ली तेस्रो स्थानमा उक्लीन सक्छ । अहिलेसम्म ८ अङ्क सहित चेन्नाइ सुपर किङ्गस शिर्ष स्थानमा रहेको छ ।
तिन खेलमा ४ विकेट लिएका सन्दीप भने आजको खेलमा खेल्न पाउने टुङगो लागि सकेको छ । लगातार तिन खेल खेले पनि सन्दीपले आफ्नो टिमका लागि राम्रो अवसर जुटाउन सकेका थिएनन् । आजको खेल सन्दीपका लागि महत्वपुर्ण रहेको भारतीय मिडीयाहरुले बताएका छन् । दिल्लीको आधिकारीक वेवसाइटमा दिल्ली टिमले सन्दीपको बलीङ उत्कृष्ट हुने अपेक्षा समेत गरेको छ ।