नायिका स्वेता खड्काले माझी गाउँमा ५३ घर निर्माण गरिदिएकी छन् ।
भूकम्पपछिको पुन निर्माणको क्रममा स्वेता श्री फाउण्डेशनमार्फत् सिन्धुपाल्चोकको माझी गाउँ चौतारा साँगाचोकगढी नगरपालिका १४ भिमटारको माझी बस्तिमा ५३ घर निर्माण गरिएको हो ।
नायिका खड्काले घर निर्माणका काम अझै केही बाँकी रहेकोले आफू एक्लैले पूरा गर्न सम्भव नभएको भन्दै माझी बस्तिका लागि आ–आफ्नो ठाउँबाट योगदान गर्न पनि अनुरोध गरेकी छन् ।
‘‘सानो घर, हाम्रो रहर’ को सपना साँचेका मेरा प्रिय माझी बस्तिका दाजुभाइ तथा दिदिबहिनीहरुसंग हात्तेमालो गर्दै यहाँ सम्म आइपुगियो । धेरै कस्ट सहियो, धेरै हण्डर खाइयो । कतिले गाली गरे अनि कत्तिले आँखा तरे । कोहीले आश देखाए भने कोहीले उपहास गरे । तर सहयोगीहरुको साथ र माझी बस्तिका युवाहरुको हातका कारण हामी, हाम्रो सपनालाई बिपनामा परिणत गर्ने तरखरमा छौ । अझै केहि काम बाँकी छन । म एक्लैले ,अपुरो कामलाई पुरा गर्न सम्भव छैन । आउनुस अझै मौका छ । नमुना माझी बस्तीमा आ–आफ्नो योगदान गरौ ।’ नायिका स्वेताले आफ्नो सामाजिक संजाल फेसबुकमा लेखेकी छन् ।
वि.सं.२०७५ चैत २४ आइतवार १७:५१ मा प्रकाशित
