हामी सबैकाे संसारन्यूज

२५ चैत, काठमाडौ । कर्मचारी समायोजनको विरोधमा चिकित्सकले गरेको आन्दोलनका कारण सरकारी अस्पतालका आपत्कालीनबाहेक सबै सेवा बन्द छन् । अस्पतालको ओपिडी मात्र होइन, महिनौअघि तय भएका अप्रेसन पनि रोकिएका छन् ।

कर्मचारी समायोजनका क्रममा सरकारले डाक्टरलाई संघ, प्रदेश र स्थानीय तहमा खटाएको छ । तर, प्रदेश र स्थानीय तहको दरबन्दीमा जान डाक्टरहरुले अस्वीकार गरेका छन् । संघीय सरकारअन्तर्गत नै राखेर आफूहरुलाई प्रदेश र स्थानीय तहमा परिचालन गर्नुपर्ने माग राखेर शुक्रबार देखि डाक्टर आन्दोलनमा छन् । विभेदकारी ढंगले समायोजन गरिएको भन्दै सरकारी चिकित्सक संघ गोदानले शुक्रबारबाट ओपिडी सेवासहित आपत्कालिनबाहेकका अप्रेसन बन्द गरेका हुन् ।

राजधानीका सरकारी अस्पतालमा दैनिक एक सय नौभन्दा बढी अप्रेसन रोकिएको अस्पतालहरुले बताएका हुन् । सोमबारको नयाँ पत्रिका दैनिकमा अर्जुन अधिकारीले लेखेका छन् ।