२५ चैत, काठमाडौ । बैंक तथा वित्तीय संस्थाहरुले मिलोमतोमा कमसल घर जग्गा धितो राखी धेरै ऋण दिएको आशंकामा राष्ट्र ब्रंकले निगरानी सुरु गरेको छ । बैंक कर्मचारी र कर्जा लिने व्यक्तिको मिलेमतोमा कमसल धितोमा जथाभावी लगानी गर्दा वित्तिय क्षेत्रमा संकट आउन सक्ने देखिएपछि नियामक निकाय राष्ट्र बैंकले त्यस्तो क्षेत्रमा जाने कर्जामा निगरानी बढाएको हो ।
राष्ट्र बैंकका कार्यकारी निर्देशक एवं अनुसन्धान विभाग प्रमुख गुणाकर भट्टले घर जग्गा धितोमा केही बैंकले जथाभावी लगानी गरेको सुचना आएको जानकारी दिए । उनले यस्तो कर्जा प्रवाहले वित्तीय क्षेत्रमै संकट आउन सक्ने सम्भावना भइएको भन्दै कर्जाको निगरानी सुरु गरिएको बताए । करिब एक दशकअघि घरजग्गामा दिइएको जथाभावी कर्जाले वित्तीय क्षेत्रमा समस्या आएको थियो । सोमबारको नागरिक दैनिकमा विष्णु बेल्वासेले लेखेका छन् ।
वि.सं.२०७५ चैत २५ सोमवार ०८:१५ मा प्रकाशित
