देबेन्द्र केसी, नयाँ दिल्ली
नेपाल पत्रकार महासंघ भारत शाखा को दोस्रो अधिवेशन सम्पन्न भएको छ । महासंघकै कार्यालय हल तिस हजारी, दिल्लीमा सम्पन्न अधिवेशन मा लोकेश शाह ‘आर्यन’ सर्वसम्मत अध्यक्ष बनेका छन् ।
अप्रिल ७ मा पहाडगन्ज स्थित ‘होटल स्विसटोन’मा बसेको बन्दसतत्रे छलफल गरि महासंघ केन्द्रीय समिति अध्यक्ष गोबिन्द आचार्यको रोहवर र लोकेश शाह’आर्यन’को अध्यक्षतामा सर्वसहमतिय कार्यसमिति गठन गरेको हो । त्यसैगरी उपाध्यक्षमा देबेन्द्र कुँवर, महासचिवमा अर्जुन खनाल चुनिएका छन । त्यस्तै खुल्ला सचिवमा देबेन्द्र केसी, समानुपातिक सचिवमा धनबिर पुन, कोषाध्यक्षमा धनबहादुर बिक र सदस्यमा बाबु रोका ुमगरु, ईन्द्रकमल जैरु, भेषराज पौडेल, खुम बहादुर गुरुङ्ग र केशवराज पोख्रेल चुनिएका छन ।
प्रथम कार्यसमिति बैठकबाट प्रबक्ता र प्रान्तिय संयोजक टुङ्गो लगाउने महासंघ कार्यालयले जनाएको छ।
भारतमा कार्यरत राजनैतिक, कुटनितिक तथा सामाजिक संस्थाहरु, नेपाली राजदुताबास, बित्तिय संस्था, नेपाल एयरलाईन्सका प्रतिनिधिहरुको उपस्थितिमा महासंघ भारत शाखाले नयाँ कार्यसमिति पाएको हो ।
कार्यक्रममा बोल्दै प्रमुख अतिथि तथा नेपाल पत्रकार महासंघ केन्द्रिय समितिका अध्यक्ष गोबिन्द आचार्यले ‘भारतबाट सुरु भएको नेपाली पत्रकारिताले आज भारतमै नेपाली पत्रकारहरुको सञ्जाल खोल्ने र ऐक्यबद्ध हुने गौरव हासिल गरेको ‘भन्दै महासंघको भावी योजना र भिजन रहेको बताए । अध्यक्ष आचार्यले थपे “भारत शाखा नेपाली नागरिक मैत्री र ईन्डो -नेपाली पत्रकारहरुको बिच पुलको रुपमा काम गरोस । केन्द्र सदैव साथमा छ ”। घोषणा सभामा बोल्दै नेपाली दुताबासका सांस्कृतिक काउन्सलर होम प्रसाद लुँईटेलले राजदुत निलाम्बर आचार्यद्वारा प्रेषित सुभकामना सन्देश पढेर सुनाए । कार्यक्रममा बिभिन्न संस्थाका प्रतिनिधिहरुले बोल्दै नवनियुक्त पदाधिकारीहरुको कार्य सफलताको सुभकामना दिएका थिए । ।
वि.सं.२०७५ चैत २५ सोमवार १५:२६ मा प्रकाशित
