२५ चैत, काठमाडौं । बसुन्धरामा भेटिएको बमलाई नेपाली सेनाले नियन्त्रणमा लिएर डिस्पोज गरेको छ । विशेष सुराकीका आधारमा बसुन्धरामा रहेको एक घरमा हतियार राखिएको सूचना पाए लगत्तै त्यता मुभ भएको प्रहरीले उक्त स्थानबाट हतियार नभेटिएपनि एउटा सकेट बम फेला पारेको थियो ।
ओसिस क्याफेको पछाडि रहेको चार तल्ला अग्लो घरको तेस्रो तलामा भेटिएको बम डिस्पोज गर्ने जिम्मा प्रहरीले नेपाली सेनालाई दिएको थियो । सेनाले बमलाई नियन्त्रणमा लिइरहँदाप्रहरीले सोधपुछका लागि ५ जनालाई नियन्त्रणमा लिइएको महानगरीय प्रहरी प्रवक्ता वरिष्ठ प्रहरी उपरीक्षक स्यामलाल ज्ञवालीले जानकारी दिएका छन् ।
स्थानीय सडकमा जोडिएका सीसीटिभी क्यामरामा कैद भएका फुटेजका आधारमा प्रहरीले ५ जनालाई नियन्त्रणमा लिएर अनुसन्धान गरिरहेको ज्ञवालीले जनाएका छन् । उनीहरु को हुन भन्ने जानकारी अनुसन्धानपछि मात्रै खुल्ने पनि ज्ञवालीले जानकारी दिएका छन् । साथै बम कस्ले राख्यो भन्ने पनि खुलिसकेको छैन ।
बसुन्धरामा बम भेटियो, डिस्पोज गर्न सेना प्रहरी घटनास्थलमा
वि.सं.२०७५ चैत २५ सोमवार १६:५१ मा प्रकाशित
