२७ चैत, काठमाडौं । पछिल्लो समय खेलाडीहरुले थामीरहेको नेपाली क्रिकेट अव कता जाला सर्वत्र चासोको विषय बनेको छ । क्रिकेट एसोसियसन नेपाल कहा छ, तमाम क्रिकेट प्रेमीहरुलाई थाहै छ । यस्तो अवस्थामा नेपाली क्रिकेट अन्तराष्ट्रिय क्रिकेट काउन्सील सँग आश्रित रहनुको विकल्प पनि छैन ।
नेपालले अहिले एकदिवसीय क्रिकेटको मान्यता पाएको छ । ओडीआइबाट ‘टेष्ट’ मान्यता तर्फ अग्रसर हुन खोज्नु नेपालको लागि अपेक्षाकृत सहज छैन । ओडीआई राष्ट्र हुदा त नेपाली क्रिकेट अहिले अन्तराष्ट्रिय प्रसिक्षक विहिन छ । यस्तो अवस्थामा आउदो दशकमा टेष्ट तर्फ उक्लिनु नेपालका लागि फलामको चिउरा चपाउनु सरहनै मान्नु पर्ने हुन्छ ।
नियमित प्रशिक्षकको अभावमा नेपाली क्रिकेटरहरुको प्रस्तुति अनप्रेडीक्टेवल देखिइरहेको जगजाहेरैे छ । अझ व्याटीङमा त नेपाली क्रिकेटरहरुले राम्रो कोच नै पाएका छैनन् । कहिले खेल अवधी त कहिले साता वा दश दिनका लागि आउने विदेशी कोचका कारण नेपाली क्रिकेटरहरुको व्याटको चाल कस्तो रहला भन्ने सहज अनुमान गर्ने सकिदैन । यसको प्रभाव स्वयं खेलाडीमा पनि परेको छ । प्रत्येक कोचका आ–आफ्नै सैलीको सिकार नेपालका होनाहार क्रिकेटरहरु भईरहेका छन् ।
रोय डायसको निरन्तर कोचिङले सुध्रिएको नेपाली व्याटीङलाई फेरी विग्रने अवस्थातर्फ उन्मुख भएको स्वयं खेलाडीहरुले अनुमान गर्न थालेका छन् । २०७३ वैसाख १३ मा निलम्वनमा परेको क्यानको निलम्वन फुकुवा हुने चाइ चुई कतै केही सुनिदैन । अभिभावक बिहीन बनेको नेपाली क्रिकेटलाई अब सरकारले विशेष ध्यान दिनु जरुरी छ । ताली र माला लगाइदिने राज्यको प्रबृतिमा थोरै परीवर्तन ल्याएर क्रिकेटका लागि राज्यले केही गरिदिए परीणाम गुणत्मक हुने पक्का छ । यसका लागी सरकारले सातै प्रदेशमा क्रिकेट प्रशिक्षण एकेडेमी निर्माण गर्ने, पिच निमार्ण गर्ने विदेशी स्थायी कोचको व्यवस्था गर्ने हो भने नेपालको व्याटीङ, फिल्डीङ र बलिङ लाईनमा अनिवार्य सुधार हुने पक्का छ ।
तत्कालै स्थाई कोचको व्यवस्था मात्रै गर्न सकियो भने नेपालको टेष्ट यात्रा सहज हुने पक्का छ । नत्र अहिलेको ओडीआई पनि जोगाउन नसकिने क्रिकेट पण्डितहरुको विस्लेषण रहेको छ ।
नेपाली क्रिकेट टीमको पछिल्लो सफलता पुल्क्याउने खालको छ । यदि दिर्धकालीन प्रभवकारी प्रशिक्षण भयो भने अहिलका युवा क्रिकेटरहरुले नेपाली क्रिकेटलाई धेरै माथी पुर्याउन सक्ने सहजै अनुमान गर्न सकिन्छ । अभिभावक विहीन अवस्थामा त युवा क्रिकेटरहरुले जुन कौसल देखाएका छन् यसलाई सलाम गर्नै पर्छ । ती युवाहरुको सीप र क्षमता निर्खान दिर्घकालीन अन्तराष्ट्रिय कोच अहिलेको आवश्यकता हो । अझ व्याटीङमा सुधारका लागी अहिल्यै प्रशिक्षण त रिणात्मक रहेको मान्नु पर्छ । यस्तो अवस्थामा नेपाल टेष्टतर्फ उक्लने कल्पना पनि गर्न सकिन्न । त्यसैले सरकारले विशेष व्यावस्था गरेर भएपनि अन्तराष्ट्रिय वयाटीङ कोच नेपाली युवा क्रिकेटरहरुलाई उपलब्ध गराउने हो भने नेपाली टेष्ट यात्रा सोचे भन्दा छिटो हुने पक्का छ ।
वि.सं.२०७५ चैत २७ बुधवार १९:५० मा प्रकाशित
